ANGGARAN DASAR DAN ANGGARAN RUMAH TANGGA (AD-ART)
PUNGUAN TOGA ARITONANG BORU-BERE (PATOGARBE)
SE- KECAMATAN BALIGE-LAGUBOTI TOBA SAMOSIR
PATUJOLO
Dibagasan sada niroha dohot hapapatar ni Pomparanna naung torop di desa naualu,jala dibagasan sada parsaoran natong-tong hot dihadirion “Sisada anak boru dohot bere” suang songonima nang di ajaran “Dalihan Natolu :Manat Mardongan Tubu Somba marhula-hula,Elek Marboru” jongjongma sada punguan naginoaran “Punguan Toga Aritonang Boru Bere (PATOGARBE) Se-Kecamatan Balige-Laguboti Toba Samosir”
Punguan on dipajongjong dang nalaho patuduhon balga nisada punguan marhite-hite torop ni anggota manang balgani materi,alai laho pasadahon roha dohot tujuan ni parsaoran disude ulaon lasniroha nang habotni roha.
Marhite songon sada aturan najongjong disada punguan di patupama Anggaran Dasar dohot Anggaran Rumah Tangga on sada ojahan nahot di Punguan on laho padalanhon dohot patimbulhon roha songon umpasa namandok:
• Balintang ma Pagabe tumundalhon sitadoan,
Sai saut mahita gabe molo masipaolo-oloan
• Horboni parsambilan marjampal jonok tu onan,
Sai roma parsaulian molo tong hita marsipaolo-oloan
• Eme sitambatua parlinggoman ni si borok,
Amanta na Martua Debata silehon tua dohot ma masu-masu,horas mahita saluhut diparorot.
PUNGUAN TOGA ARITONANG BORU-BERE (PATOGARBE)
SE- KECAMATAN BALIGE-LAGUBOTI TOBA SAMOSIR
PENGURUS PERIODE 2011/ 2013
PENASEHAT :
1. R. Aritonang (O.Dompak)
2. O.Marco Aritonang
PENGURUS HARIAN :
1. Ketua : H.Simaremare (a.Triven )
2. Sektretaris : R.Hutauruk (a.)
3. Bendahara :
KOMISARIS SEKTOR :
1. Hinalang-Soposurung : A.Samosir (a.Rizal)
2. Balige : A.Martin Marpaung
3. Sibulele : A.Saor Aritonang
4. Laguboti –Tambunan : O.Kristof Aritonang
ANGGARAN DASAR /AD
PASAL I
GOAR DOHOT INGANAN
1.Ia goar ni Punguan on ima : PUNGUAN TOGA ARITONANG,BORU BERE (PATOGARBE)
2.Inganan dohot wilayah nahinangkam ni punguan on ima: KECAMATAN BALIGE DOHOT KECAMATAN LAGUBOTI TOBA SAMOSIR.
PASAL II
AZAS DOHOT OJAHANNA
Punguan toga Aritonang Boru Ber Marojahan tu :
1.Pancasila dohot Undang-Undang Dasar 1945 songon ojahan ni Negaranta na panalnal hadirion na gok jala marimpas dibagasan hasadaaon.
2.Tona ni Ompunta sijolo-jolo tubu “manat mardongan tubu,Somba marhula-hula,Elekmarboru,asa hot diruhut-ruhut namarsihaholongan,”Sisada Anak sisada Boru dohot bere”
PASAL III
RUMANG NI PUNGUAN
Punguan on sada hasadaa doon na papatarhon parsaoran na manggulmithon ruhut-ruhut ni namarsihaholongan,marsiurupan,sisada las niroha dohot arsak niroha jala sada siulaon nahombar turuhut manang aturan naung tinontuhon ni Adat Batak.
PASAL IV
TUJUAN NI PUNGUAN
Tujuan nang sangkap ni Punguan on ima pasadahon sude Pomparan ni Raja Aritonang,Boru Bere namaringan di Kecamatan Balige dohot Kecamatan Laguboti Kabupaten Toba Samosir,Tarlumobi tahe di sude luat asa tongtong hot hadirion ni sude Anak,Boru,Bere di bagasan na marsihaholongan,marsiurupan jala boi taripar muse tu anga pompaanna ddi sogot ni ari.
PASAL V
ULAON / HAGIOTON
Sude rumang ni ulaon Adat Batak na naung diaturhon dianggaran Dasar dohot Anggaran Rumah Tangga Marhite-hite Musyawarah ni Pengurus Harian dohot Komisaris Lingkungan laho manaringoti partonding dohot parlangkaon nang sipatupaon na hombar tusi alai holan tu ulaon ADAT NA GOK.
PASAL VI
KEPENGURUSAN
1.Songon Uluan ni punguan di sasude angka namasa ditontuhon do jala pinillit sian angka anggota songon parhobas di punguan I ima :
•Ketua
•Sekretaris
•Bendahara
•Komisaris Sektor
2.Godang ni pengurus boi do ditambai saguru tu haporluanna
3.Leleng ni Kepengurusan ima 2 (dua) taon jala ima nagabe Periode Kepengurusan ni Punguan
4.Pemilihan pengurus tiap periode ditontuhon sian Rapat Anggota,jala pengurus sian Periode na parjolo boi do tong pilliton.Pemilihan Pengurus on dang ingkon tiap 2 (dua) taon boi do muse gantion saguru tu keadan manang situasi ni Punguan.
PASAL VII
KEANGGOTAAN
Na boi dohonon gabe anggota ni Punguan om ima :
“ Anak,Boru,Bere ni Aritonang na maringanan di wilayah Kecamatan Balige –Laguboti Kabupaten Toba samosir jala na olo unduk tu Anggaran Dasar dohot Anggaran Rumah Tangga (AD-ART) ni Punguan”
PASAL VIII
ANGGOTA NA TAMBA,NAHARUA DOHOT NAHINARUARHON
1.NA TAMBA
•Anak,Boru,Bere ni Aritonang na mendaftar tu Punguan
•Anak,Boru,Bere ni Aritonang na naung haruar hian alai melalui Komisaris naeng masuk muse tu Punguan jala etongon maibana gabe Anggota Baru mambayar Kewajiban Songon anggota Baru.
2.NAHARUAR
•Ala Pangidoan ni Anggota
•Ala panda Inganan tu luar ni Kecamatan Balige-Laguboti
•Ala na Monding
3.NAHINARURHON
•Anggota na so Tunduk be tu punguan,ima na mamboantujuan pribadi tu punguan na mambahen hasesega ni Punguan
•Lobi sian 6 ( onom ) hali dang mandohoti Parpunguan (Partangiangan)jala dang mambayar kewajibanna
•Mangulahon ulaon nahurang denggan na gabe manegai goar ni Punguan.
PASAL XII
ULANG TAON NI PUNGUAN
Sipatupaon do ulang taon ni Punguan on ganup taon,saboi-boina ima tanggal 16 September,alai tong do boi ubaon saguru tu keadaan manang situasi na memungkinkan.
PASAL XIII
PEMBUBARAN NI PUNGUAN
1.Pembubaran ni Punguan ditontuhom ma I sian Rapot Anggota Luar Biasa jala tong-tong do sesuai tu aturan naung ni tontuhon songon pasal X ayat 5 + 6
2.Molo bubar do Punguan on, sude arta na adong dope tinggal dipasahat ma tu sude anggota jala dibagi rata.
ANGGARAN RUMAH TANGGA / ART
PASAL I
PATUJOLO
1.Pahantushon sude angka aturan-aturan naung ditontuhon di Angaran Dasar ni Punguan on, dibahen ma Anggaran Rumah Tangga ni Punguan Toga Aritonang, Boru dohot Bere (PATOGARBE)
2.Tujuan ni Punguan on ima mangkasadahon roha ni Anggota laho marsiurupan di sude angka ulaon Lasniroha, Arsak ni Roha nang ulaon na dibagasan linggoman ni Adat Batak.
PASAL II
HAK DOHOT KEWAJIBAN NI PUNGUAN
1.Sude Anggota ingkon mangalehon roha dohot gogo tu punguan on di sude angka na masa manang ulaon las ni roha nang arsak ni roha pe.
2.Sude Anggota ingkon mandohoti ganup ulaon na masa di Punguan, hombar tu Adatna kecuali adong ulaon natung mansai ringkot situtu jala ingkon paboaon ma tu komisaris manag Pengurus.
3.Sude Anggota ingkon mandohoti Partangiangan ni Punguan si ganup bulan di jabu ni Anggota sesuai jadwal naung ditontuhon.
4.Sude Anggota boi mangajuhon pandapot manang usul dohot manjalo adat dohot
PASAL III
ULAON DOHOT KEGIATAN NI PUNGUAN
1.PANGOLI ANAK
Molo Pangoli anak sian Anggota ni Punguan Patupaon ma tumpak sian Punguan manang ganti ni Indahan godangna 2 (dua) tumba boras manang mararga Rp 20.000,-/ keluarga
2.PAMULI BORU
Molo muli boru ni Anggota mamboan tandokma sian Punguan songon Si pir ni tondi dua tumba boras molo di uangkon sarupamai gabe Rp 20.000,- .Jala buaton masian Kas godangna Rp 50.000,- laho Parsiulos,ima ulos ulos sian Punguan.
3.NA MONDING / MATUA
Molo adong na masa si songon on di Anggota ni Punguan borhatma punguan laho pasahathon anggaran naung pinatupani Punguan,alai molo diluar daerah do ulaon I dung mulak sian ulaon I ma dipasahat songonna manise nasida.Pasahatonma :
•Anggota Monding : 3 tumba boras manang Rp 30.000,-
•Ianakkon ni Anggota : 2 tumba boras manang Rp 20.000,-
•Natoras/Simatua ni Anggota : 2 tumba boras manang Rp 20.000,-
4.ULAON DILUAR DAERAH TOBA SAMOSIR
Molo Ulaon di luar daerah ,Utusan ma pinaborhat sian Punguan Jala Leanon ni Punguanma Transportna mararga Sakaleng Boras.Boi do borhat sude Anggota ni Punguan molo rade do Hasuhuton mananggung ongkos/biaya pardalanan 1 (sahali ) dalan.
5.ULAON NA ASING
Adongdo angka ulaon na so Mardalan Anggaran sian Punguan. Nang pe dipabotohon tu Punguan,jadi angka ulaon sisongon on sian pribadi nama parborhatna rupani :
•Sorang,tardidi,Mangkatindangkon Haporsean Anak ni Punguan
•Mandulo na marsahit apala naung renge pasahaton ni punguan ma songon par sijeruk
•Mangapuli manang manise.
6.PARHEPENGON DOHOT PARBOHALON
Taringot tu parhepengon dohot parbohalon ni punguan na gabe songon kas tangkas taboto nasian Anggota ido I tu Anggota, jadi ditontuhonma :
•Uang Pangkal : Rp 50.000,-/ Rumah Tangga (Anggota)
•Uang Iuran/bulan : Rp 5.000,-/ Rumah Tangga (Anggota)
•Parsuhian sian na muli boru ni Anggota
•Durung-durung tingki partangiangan.
Molo tung adong angka kegiatan na asing songon Arisan,sudei diluarni Anggaran Dasar/Anggaran Rumah Tangga na mai.
PANUTUP
Songoni ma Anggaran Dasar dohot Anggaran Rumah Tangga (AD/ART) on di susun songon sada ojahan ni sude ulaon di Punguanta Punguan Toga Aritonang Boru Bere (PATOGARBE) on.
Jadi,songon nidok ni omputa sijolo-jolo tubu madohonon nami :
•Eme sitambatua ma parlinggoman ni siborok,
Amanta Debata silehon tua,saluhutma hita di parorot.
•Balintang ma pagabe,tumundalhon sitadoan,
Aritonang,Boru,Bere saut gabe molo marsipaolo-oloan
•Pir ma Pokki bahul-bahul Pansaloman,
Pir ma tondita saluhutna,tu tambana ma Pangomoan
•Sahat-sahat ni solu sahat ma tu Bontean ni tigaras,
Asi ma roha ni Tuhanta,leleng ma hita mangolu jumadi panggabean dohot parhorasan
Horas………..Horas………..Horas………..
Balige, 6 Maret 2011
Pengurus Harian,
PUNGUAN TOGA ARITONANG BORU-BERE (PATOGARBE)
SE- KECAMATAN BALIGE-LAGUBOTI TOBA SAMOSIR
Ketua, Sekretaris,
H.Simaremare R.Hutauruk
A.Triven A.
